वीरगञ्ज । प्रेस युनियनको ३२ औ स्थापना दिवसको अवसरमा वीरगञ्जमा नेपाल प्रेस युनियन पर्साले प्रभात फेरी निकालेको छ ।
वीरगञ्ज स्थित घण्टाघर चोकबाट शनिबार बिहान निकालिएको प्रभात फेरि माइस्थान, आदर्शनगर, घडीअर्वा पोखरी हुदै नगर परिक्रमा गरि पुन घण्टाघर चोकमा पुगेर सप्पन्न भएको थियो ।
प्रभात फेरिपछि आयोजित कोणसभालाई सम्बोधन गर्दै नेपाल पत्रकार महासंघ पर्साका अध्यक्ष अनुप तिवारीले देश अहिले आर्थिक र राजनीतिक संकटमा परेका बेला नेपाली पत्रकारितालाइ अझै सबल बनाउनुपर्ने आवश्यकता भएको बताए ।
नेपाल प्रेस युनियन पर्साका अध्यक्ष विजय चौहानको अध्यक्षता तथा नेपाल पत्रकार महासंघका केन्द्रिय सचिव दिपेन्द्र चौहानको प्रमुख आतिथ्यतामा भएको कार्यक्रममा नेपाल पत्रकार महासंघका मधेस प्रदेश महासचिव श्याम बन्जारा, नेपाल पत्रकार महासंघ पर्साका अध्यक्ष अनुप तिवारी, नेपाल प्रेस युनियनकी केन्द्रिय सदस्य निलिमा पौडेल र दिलिपराज कार्की लगायतको उपस्थित रहेको थियोे ।
