काठमाडौं,२४चैत : उद्योग, वाणिज्य तथा आपुर्तिमन्त्री रमेश रिजालले देशलाई अब आयातमूखी भन्दा पनि निर्यातमुखी बनाउने तर्फ सरकारले जोड बताएका छन् ।
शुक्रबार काठमाडौंमा निर्यात व्यवसायी महासंघ नेपालको तेस्रो वार्षिक साधारणसभा तथा दोस्रो अधिबेशनको समुद्घाटन गर्दै उद्योगमन्त्री रिजालले यस्तो बताएका हुन् । मन्त्री रिजालले सरकारले निर्यातमूखी व्यवसायलाई सुदृढ बनाउदै प्रोत्साहित गर्ने पनि बताए ।
उनले भने,‘ उद्योग मन्त्रालयको पुरा ध्यान अब देशलाई निर्यात मुखी बनाउने हुन्छ , त्यसका लागि उत्पादनमा जोडदिने नीति बनाएर अगाडि बढ्छ ।मन्त्री रिजालले सरकारले व्यवस्थित निर्यातलाई नियमन गर्ने र आवश्यक सहयोग गर्ने प्रतिबद्धता पनि जनाए ।
निर्यात व्यवसायी महासंघ नेपालका अध्यक्ष रामबहादुर गुरुङको अध्यक्षतामा भएको उद्घाटन समारोहमा उद्योगी , व्यपारीका अगुवाहरुको पनि सहभागिता थियो ।
