वीरगञ्ज । मस्तिष्क पक्षघात तथा सुस्त मनस्थिति बालबालिकालाई को शिक्षा तथा उपचारको लागि बीरगन्ज महानगर पालिकाले हरेक प्रकारको सहयोग गर्ने बीरगन्ज महानगर पालिकाका नगर प्रमुख राजेश मान सिंहले बताउनु भएको छ । आशा किरण केन्द्र द्वारा आयोजित एक कार्यक्रममा नगर प्रमुख सिंहले मस्तिष्क पक्षघात तथा सुस्त मनस्थिति बालबालिकालाई केन्द्रमा राखी दिनभर हेरचाह र विभिन्न प्रकारले शिक्षा र सिकाउने कार्य गर्ने आशा किरण को कर्मचारी र सहयोगी संस्थाहरुले उच्च मानवीय कार्य गर्नु भएकोमा प्रशंसा गर्नु भयो ।
सुनिल गुप्ता अध्यक्षता मा भएको कार्यक्रम मा प्रमुख जिल्ला अधिकारी हिरालाल रेग्मी , भारतीय महा वाणिज्य दूतावास बीरगन्जका महावाणिज्यदूत नितेश कुमार र अशोक वैधले आशा किरणले मस्तिष्क पक्षघात तथा सुस्त मनस्थिति बालबालिकालाई खेलकुद , शिक्षा र कसरत नियमित रुपमा गराएर समाजमा मानवीय कार्य गरेकोले खुशी व्यक्त गर्नु भएको थियो ।
केन्द्रका महासचिव राजन श्रीवास्तव ले सहजीकरण गरेको कार्यक्रममा केन्द्र का डा. अशोक दासले स्वागत गर्नु भएको थियो । सिद्वार्थ स्कुलमा संचालित आशा किरण केन्द्र मा ३१ मस्तिष्क पक्षघात तथा सुस्त मनस्थिति बालबालिका रहेको केन्द्र कि सहयोगी नुतन सरावगीले बताए । कार्यक्रम मा
मस्तिष्क पक्षघात तथा सुस्त मनस्थिति बालबालिकाहरुले विभिन्न प्रस्तुतिहरु प्रस्तुत गरेका थिए ।
