बीरगन्ज,२६ चैत-प्रगतिशिल नेपाल राष्ट्रिय शिक्षक संगठन पर्सा जिल्ला कमिटी गठन भएको छ । बीरगन्जको त्रिजुद्ध माध्यमिक विद्यालय विर्ताको सभाहलमा आयोजित प्रगतिशिल शिक्षकहरुको एक भेलाले रामाकान्त औझैयाको अध्यक्षतामा केही सदस्य थप्ने गरी २१ सदस्यीय जिल्ला कमिटी गठन गरेको छ ।
कमिटीको उपाध्यक्षमा रामजी चौहान, महिला उपाध्यक्षमा कविता फँुयाल, सचिवमा चन्द्रमोहन प्रसाद चौरसिया, सहसचिवमा ममता चौधरी, कोषाध्यक्षमा असेश्वर यादव, सह–कोषाध्यक्षमा निरमाया आले सर्वसहमत चयन भएका छन्् । सदस्यहरुमा रामबच्चन चौरसिया, प्रेम प्रसाद, सम्पत यादव लगायतका चयन भएका छन् ।
प्रगतिशिल नेपाल राष्ट्रिय शिक्षक संगठनका केन्द्रिय सदस्य नेपालेन्दु साहको विशेष पहलमा एवं गोपिचन्द यादवको सभापतित्वमा सम्पन्न भएको भेलामा नेकपा एकिकृत समाजवादी पार्टीका केन्द्रिय सचिव नागेन्द्र चौधरी, स्थायी कमिटी सदस्य एवं बीरगन्ज महानगर इन्चार्ज चिरञ्जिवी आचार्य, संविधान सभा सदस्य रामचन्द्र साह, पर्सा अध्यक्ष बालगोपाल थापा, समाजवादी प्रेस संगठन नेपाल मधेश प्रदेशका अध्यक्ष बृजलाल पासवान, समाजवादी प्रेस संगठन नेपाल पर्साका अध्यक्ष मनोज पटेल लगायतका शिक्षकहरुको भेलालाई सम्बोधन गर्दै शिक्षकहरुको पेशागत विकास, सुरक्षा तथा हक अधिकारका लागि देशका सबै शिक्षकहरु प्रगतिशिल राष्ट्रिय शिक्षक संगठनमा गोलबद्ध हुन आग्रह गरे ।
कार्यक्रममा वक्ताहरुले पछिल्लो समयमा शिक्षकहरुको मनोभावना गिराउने काम स्थानीय सरकारले गरेको चर्चा गर्दै देशको भविष्य कोर्ने भावी पुस्तालाई बाटो देखाउने काम गर्दै आएका शिक्षकहरु उपर कुनै किसिमको अनावश्यक दबाब सृजना गरिए सिंगो नेकपा एकिकृत समाजवादी पार्टी शिक्षकहरुको पक्षमा उभिने प्रतिबद्धता व्यक्त गरेका थिए ।
