बिरगंज — उपकार सेवा नेपालले यस महिनामा पनि ठोरी गाउँपालिका वार्ड नं. १ भगवाननगरस्थित वृद्धाश्रममा आश्रित १७ जना अपाङ्ग, सुस्त मानसिक अवस्था भएका, वृद्ध–वृद्धा, आमा–बुवा र बालबालिकाहरूका लागि आवश्यक दैनिक उपभोग्य सामग्री प्रदान गरेको छ।
संगठनले आश्रमका लागि ९० किलो चामल (३ बोरा), १० किलो साबुन, १० किलो चिउरा, ५ लिटर खाने तेल, ५ किलो मसुर दाल, ४ लिटर रिफाइन तेल, ५ किलो नुन, ट्राउजर, टी–सर्ट, फलफूल र मिठाईजस्ता सामग्री प्रदान गरेको थियो।
कार्यक्रममा आश्रमका सदस्य राम बहादुर थिङलाई बोलाएर सामग्री हस्तान्तरण गरिएको थियो। उपकार सेवा नेपालको अध्यक्ष विद्या कुमारी सरावगी, अभिभावक पद्मा देवी सरावगी र सामाजिक अभियन्ता प्रकाश थारुले सामाग्री हस्तान्तरण गर्नुभयो।
उक्त सामग्री प्रत्येक महिनामा उपकार सेवा नेपाल संस्थाद्वारा वृद्धाश्रममा नियमित रूपमा प्रदान गरिँदै आएको छ।
