वीरगञ्ज – विश्व हिन्दु परिषद् पर्साले नेपालमै पहिलो पटक भव्य चुनरी यात्राको तयारी पूरा गरेको छ। परिषद्को नगर समितिका सचिव दिपेन्द्र कुमार सर्राफले आइतबार पत्रकार सम्मेलनमार्फत जानकारी दिँदै घटस्थापनाको दिन अर्थात् सोमबार दिउँसो ३ बजे करिब १५ सय भक्तजनहरूको सहभागितामा १५१ मिटर लामो माताको चुनरी यात्रा सुरु हुने बताए।
सर्राफका अनुसार, भारतका विभिन्न राज्यहरूमा घटस्थापनाको दिन निकालिने चुनरी यात्रालाई यस वर्ष पहिलो पटक वीरगञ्जस्थित गहवामाई मन्दिरमा आयोजना गरिएको हो। यस यात्रामा भक्तजनहरूले हातमा बोकेको चुनरीमार्फत आशीर्वाद प्राप्त गर्ने धार्मिक मान्यता रहेको उनले बताए।
चुनरी यात्रा नगर परिक्रमा गरी पुनः माईस्थानमा पुगेर विशेष पूजा आराधनासहित सम्पन्न गरिनेछ।
उनले भने, ूहामीले यो यात्रा देश र समाजको हित र मंगलकामनाका लागि आयोजना गरेका हौँ र यसका लागि कुनै पनि प्रकारको आर्थिक सहयोग नलिएको छ।ू उनले सम्पूर्ण हिन्दु श्रद्धालुहरूलाई यस ऐतिहासिक यात्रामा सहभागी हुन आग्रह गरे।
