बारा — परवानीपुर गाउँपालिका वडा नं। ५ स्थित बहुअरिमा युवा नेता सन्जु साहको नेतृत्वमा एक सराहनीय कार्य सम्पन्न भएको छ। विगत केही समयदेखि जीर्ण अवस्थामा रहेको सार्वजनिक चौताराको मर्मत तथा पुनर्निर्माण कार्य बुधबार सम्पन्न गरिएको हो।
स्थानीय जनप्रतिनिधिहरूबाट वडाबासीलाई उपेक्षा गरी पार्टी कार्यकर्तालाई मात्र प्राथमिकता दिइएको भन्दै उठेका गुनासोका बीच सन्जु साहले स्वस्फूर्त ढंगले चौताराको मर्मत गरेर उदाहरणीय कदम चालेका हुन्।
उनले उक्त चौतारामा बस्ने यात्रुहरूका लागि विश्राम, वृद्धहरूका लागि गफगाफ, र युवाहरूका लागि प्रकृति प्रतिको प्रेम अभिव्यक्त गर्ने थलोको रूपमा संरक्षण गर्न आवश्यक रहेको बताउँदै, “प्रकृतिसँग जिउँदै रहन प्रेरणा लिनुहोस्” भन्ने सन्देशसमेत दिएका छन्।
साहको यस कार्यलाई स्थानीयबासीले सकारात्मक रूपमा लिएका छन्। उनका अनुसार चौतारामार्फत् सामाजिक सद्भाव र सामूहिकताको भावना बलियो हुने अपेक्षा गरिएको छ।
