पर्सा — पर्सा जिल्लाको जिराभवानी गाउँपालिका-१, बलुवामा रहेको एक घरबाट सशस्त्र प्रहरीले १७ बोरा भारतीय युरिया मल बरामद गरेको छ।
सोमबार बिहान विशेष सूचनाका आधारमा सशस्त्र प्रहरी बोर्डर आउट पोस्ट महादेवबाट खटिएको टोलीले छापा मारेर स्थानीय नेशार समानीको घरबाट उक्त मल बरामद गरेको हो। टोलीको नेतृत्व सशस्त्र प्रहरी सहायक निरीक्षक जिन्दा प्रसाद यादवले गरेका थिए।
बरामद गरिएको मललाई आवश्यक कारबाहीका लागि वीरगन्ज भन्सार कार्यालय पठाइएको सशस्त्र प्रहरी बल १३ नम्बर गण, पर्साका प्रवक्ता नायब उपरीक्षक देवेन्द्र बहादुर सिंहले जानकारी दिए।
सशस्त्र प्रहरीले सीमावर्ती क्षेत्रमा अवैध तस्करी रोक्न निगरानी बढाएको जनाएको छ।
आफ्नो प्रतिक्रिया दिनुहोस
