वीरगंज । वीरगंजमा एक व्यक्ति मृत अवस्थामा फेला परेका छन् । गएराति ८ बजेको समयमा पानी टङ्की चौक र होटेल भिष्वाको बिचमा पर्ने बाइपास सडकको पेटिमा एक व्यक्ति मृत अवस्थामा भेटिएको प्रहरीले जनाएको छ ।
घटनास्थल पुगेको प्रहरी टोलीले स्थानीय सँग सोधपुछ गर्ने क्रममा अन्दाजी ५५ देखि ६० वर्ष उमेरको जस्ता देखिने ती व्यक्ति दैनिक जसो मागेर हिँड्ने गरेको जानकारी पाइएको प्रहरीले जनाएको छ ।
सोधपुछको क्रममा ती व्यक्तिले केही समय पहिला होटेलहरूमा पनि काम गर्ने गरेको र उनको नाम राजेश कार्की रहेको जानकारी पाएको भए पनि उनको ठेगाना नखुलेको जिल्ला प्रहरी कार्यालय पर्साका प्रहरी प्रवक्ता प्रहरी नायब उपरीक्षक दीपक भारतीले बताउनु भयो ।
प्रहरी प्रवक्ता भारतीका अनुसार घटनाको प्रकृति हेर्दा चिसोको कारण स्वास्थ्यमा समस्या भई मृत्यु भएको जस्तो देखिएको र मृतकको शव पोस्टमार्टमका लागी नारायणी अस्पताल पठाइएको छ ।
