वीरगञ्ज ।
पर्सा निर्वाचन क्षेत्र नम्बर–३ बाट नेकपा एमालेका प्रतिनिधिसभा सदस्य उम्मेदवार रुपेश कुमार पाण्डेयले चुनावी प्रचार अभियानलाई थप तीव्र बनाउँदै आज पनि घरदैलो कार्यक्रमलाई निरन्तरता दिएका छन्।
उम्मेदवार पाण्डेयले आज लहावरथकरि र मैनपुर क्षेत्रमा घरदैलो गर्दै स्थानीय जनतासँग प्रत्यक्ष भेटघाट तथा संवाद गरेका हुन्।
घरदैलोका क्रममा उनले स्थानीयवासीका समस्या, आवश्यकता र अपेक्षाबारे जानकारी लिँदै नेकपा एमालेले अघि सारेका विकास, समृद्धि र सुशासनका योजनाबारे अवगत गराएका थिए।
स्थानीयवासीहरूले उम्मेदवार पाण्डेयप्रति सकारात्मक प्रतिक्रिया जनाउँदै क्षेत्रको विकास, रोजगारी सिर्जना, कृषि प्रवर्द्धन तथा समग्र उन्नतिका लागि सक्षम र अनुभवी नेतृत्व आवश्यक रहेको बताएका छन्। उनीहरूले पर्सा–३ को भविष्यका लागि पाण्डेय उपयुक्त उम्मेदवार भएको धारणा समेत व्यक्त गरेका थिए।
उम्मेदवार पाण्डेयले जनताको साथ, विश्वास र समर्थनले आफूलाई थप उत्साहित बनाएको उल्लेख गर्दै आगामी दिनहरूमा पनि घरदैलो तथा जनसम्पर्क कार्यक्रमलाई अझ सशक्त रूपमा अगाडि बढाइने बताए।
नेकपा एमालेले पर्सा क्षेत्र नम्बर–३ मा संगठन विस्तारसँगै चुनावी माहोल दिनप्रतिदिन मजबुत बन्दै गएको जनाएको छ।
