काठमाडौँ । शहीदस्मारक-ए डिभिजन लिग फुटबल प्रतियोगितामा थ्रि स्टार क्लब एफसी खुमलटार क्लबलाई पराजित गर्दै विजयी भएको छ ।
सातदोबाटोस्थित एन्फा कम्प्लेक्समा आज भएको खेलमा थ्रि स्टार एफसी खुमलटारलाई २-० गोल अन्तरले पराजित गर्दै विजयी भएको हो । थ्रि स्टारको जितमा विदेशी खेलाडी अजयी मार्टिन्स नायक बने । खेलको ५४औँ मिनेटमा मार्टिन्सले गोल गर्दै थ्रि स्टारलाई सुरुआती अग्रता दिलाएका थिए ।
त्यसपछि खेलको ८३औँ मिनेटमा मार्टिन्सले व्यक्तिगत दोस्रो गोल गर्दै थ्रि स्टारलाई २-० को जित दिलाए । जितसँगै थ्री स्टारले ३ खेलमा ४ अंक जोडेको छ । यता खुमलटारले ३ खेलमा ३ अंक जोडेको छ ।
आफ्नो प्रतिक्रिया दिनुहोस
