वीरगञ्ज । वीरगञ्ज स्थित आदर्शनगर रङ्गशालामा आज भएको खेलमा चर्च ब्वाइज युनाइटेडलाई ४-० गोलले हराउदै सङ्कटा क्लबले सेमिफाइनल स्थान सुरक्षित गरेको छ । खेल सुरु भएको २४ मिनट मा सङ्कटा क्लब का सुमन राई ले गोल गरि सुरुवात गरेका थिए ।
खेल को दोस्रो हाप को ७६ औँ मिनेटमा कर्नर किकलाई सदुपयोग गर्दै सङ्कटा क्लब का कप्तान गणेश हमालले स आफ्नो टिमको अग्रता दोस्रो गोल गरेर झन दोब्बर को अग्रता दिलाएका थिए ।
यस्तै खेल को ७९ र ८७ औँ मिनेटमा लगातार दुई गोल गर्दै सङ्कटा क्लब बाट खेल्दै आएका विदेशी खेलाडी फोफानो फोडेले खेल लाई एकतर्फी बनाएका थिए । दुई गोल गर्न सफल भएका फोफानो फोडे नै आज को खेल का म्यान अफ दि म्याच घोषित भएका थिए ।
बिरगंज मा जारी यश प्रतियोगिता कार्तिक २५ सम्म चल्ने छ । फाइनल खेल मा विजय हुने टिम लाई नगद ११ लाख ११ हजार १ सय ११ रुपैयाँ र प्राजित हुने टिमलाई नगद ५ लाख ५५ हजार ५ सय ५५ रुपैयाँ पुरस्कार प्रदान गरिने छ ।
