पर्सा – खानेपानीको अभाव भइरहेको अवस्थामा उपकार सेवा नेपालले जिराभवानी गाउँपालिका–१ महादेवपट्टीस्थित सशस्त्र प्रहरी बोर्ड आउट पोस्टलाई एक हजार लिटर क्षमताको प्लास्टिक ट्यांकी प्रदान गरेको छ।
पानी सहज र सुलभ बनाउन सहयोग स्वरूप उपलब्ध गराइएको ट्यांकी सशस्त्र प्रहरी बल, १३ नम्बर गण, वीरगञ्जको कार्यालयमै आयोजित कार्यक्रममा हस्तान्तरण गरिएको हो।
कार्यक्रममा सशस्त्र प्रहरी तर्फबाट डिएसपी सुरज कार्की र डिएसपी युवराज योन्जनसहित सशस्त्र प्रहरी निरीक्षक फलबहादुर थापा, अन्तबहादुर गुरुङ र हरिचन्द्र खड्का सहभागी थिए।
त्यस्तै, उपकार सेवा नेपाल तर्फबाट अध्यक्ष विद्या कुमारी सरावगी, सदस्य सुमन बगेडिया र सामाजिक अभियन्ता प्रकाश थारूको उपस्थिति रहेको थियो।
आफ्नो प्रतिक्रिया दिनुहोस
