जलेश्वर,। महोत्तरीको मटियाहनी नगरपालिका–६ का अग्निपीडितलाई वार्मिङ हार्ट्स नेपाल सायन समाजले दैनिक खाना खुवाउँदै आएको छ । वार्मिङ हार्ट्सले मटियाहनी–६ का अग्निपीडितलाई दैनिक खाना खुवाउँदै आएको हो ।
गत बुधबार भएको आगलागीबाट एक सय तीन घरपरिवार प्रभावित भएका छन् । आगलागीका कारण खाद्यान्न, लत्ताकपडालगायत अन्य सबै सामान जलेर नष्ट भएको थियो ।
हेन्ड्रेडस् ग्रुप र हाम्रो टिम नेपालको सहयोगमा वार्मिङ हार्ट्सले अग्निपीडितहरूलाई खाना खुवाउँदै आएको हार्ट्सका योगेश गुप्ताले जानकारी दिनुभयो ।
उहाँका अनुसार दुई सयभन्दा बढी बालबालिकाहरू आगलागीबाट प्रभावित भएका छन् । उनीहरूका किताब कपीलगायत विद्यालय पोशाकसमेत जलेकाले सोको समेत व्यवस्था गर्ने तयारी भइरहेको जानकारी गुप्ताले दिनुभयो ।
त्यस्तै, अग्नि प्रभावित मटियाहनी– ६ मा गर्मीको समयमा पालमा बस्दा स्वास्थ्यमा पर्ने समस्यालाई मध्यनजर गर्दै स्वास्थ्य शिविर सञ्चालन गर्न लागिएको उहाँले बताउनुभयो । वार्मिङ हार्ट्सले जाजरकोट भूकम्पको बेलामा समेत उद्धार र राहतका लागि काम गरेको थियो । सभार गोरखापत्र अनलाइन
