वीरगञ्ज,२८ बैशाख । अत्यादिक गर्मीका कारण ठोरीको जनजीवन प्रभावित भएको छ । एक सातादेखि अत्यादिक तापक्रम बढे संगै जन-जीवन प्रभावित भएको हो । तापक्रम बढेसँगै ठोरीका दिपक नगर,चोक बजार,ठोरी,बिजयबस्ती र सुवर्णपुर लगाएता विभिन्न ठाउँमा दिउँसोको समयमा चहलपहल न्यून देखिन थालेको छ । प्राय स्थानीय दिउँसो घरबाहिर निस्किन छाडेका छन् ।
गर्मी बढ्दै गएपछि ठोरीका सरकारी तथा गैरसरकारी कार्यालय मा समेत सेवाग्राहीको उपस्थिति पातलिन थालेको छ । तर गर्मी बढे पछि केही व्यवसायी भने उत्साहीत छ्न् । अहिले गर्मीकै कारण बजारमा चिसो पेय तथा खाद्य पदार्थको बिक्री ह्वात्तै बढेको स्थानीय किराना व्यवसायीहरुले बताएका छन् ।
वैशाखको अन्तिम सातादेखि बढेको प्रचण्ड गर्मी र तातो हावाका कारण सरुवा रोगका साथै घाउ, खटिरा, एलर्जी, पखालाका बिरामीको चाप पनि बढ्न थालेको चिकित्सकहरु ले बताएका छन् । गर्मी बाट बच्न दिउसोको समयमा बाहिर ननिस्कने निस्कनै परे सुरक्षाका उपाय अपनाउन पर्दछ । पानी प्रशस्त मात्रामा पिउने, सितला प्रजातिका फलफूल खाने गरेमा केहि हत सम्म गर्मी बाट बच्न सकिन्छ ।
