वीरगन्ज ,८चैत । पर्साकाे पाेखरियामा चितुवाकाे आक्रमणबाट एक प्रहरी सहित तीन जना घाइते भएका छन् ।घाइते मध्ये एक जनाकाे अवस्था गम्भीर छ ।
मंगलबार मध्यराति जंगलबाट गाँउमा छिरेकाे चितुवाकाे आक्रमणबाट पाेखरिया नगरपालिका वडा नम्बर ५ सतवरियाका जाेगिन्द्र साह तेली, वडा नम्बर ४ का दिल महम्मद मियाँ र इलाका प्रहरी कार्यालय पाेखरियामा कार्यरत प्रहरी जवान सुचिन्द्र प्रसाद यादव घाइते भएका हुन् ।
सतवरिया स्थित गँहु बारि हुँदै गाउँमा छिरेकाे चितुवाले स्थानियलाई आक्रमण गरि घाइते बनाउन थालेपछि नियन्त्रणमा लिन प्रहरीकाे टाेली जाँदा प्रहरी जवान यादवलाई पनि आक्रमण गरि घाइते बनाएकाे हाे ।
गम्भीर घाइते मियाँकाे पाेखरिया अस्पतालमा प्राथमिक उपचार गरि थप उपचारका लागि वीरगन्ज पठाइएकाे इलाका प्रहरी कार्यालय पाेखरियाले जनाएको छ।अरु दुई जना घाइतेकाे भने पाेखरिया अस्पतालमै उपचार भइरहेको छ ।
आक्रमणकारी चितुवा अहिले पनि गाँउकै एक गाेठमा लुकेर बसेकाले नियन्त्रणका लागि बुधबार बिहान ९ बजेतिर डिभिजन वन कार्यलयकाे टाेली पुगेर नियन्त्रणकाे प्रयास गरिरहेकाे स्थानीय शैलेस गुप्ताले जानकारी दिए ।
