वीरगन्ज । नेपाल प्रहरी मधेस प्रदेश प्रमुख वसन्तबहादुर कुँवरले पर्सा जिल्लाका सीमानाकाको अनुगमन गरेका छन् ।अनुगमनको क्रममा उनले प्रहरी युनिटलाई सीमानाकामा हुने अनैतिक क्रियाकलाप, आपराधिक तथा चोरी तस्करी नियन्त्रण गर्न आदेश दिए । उनले प्रहरीप्रति आक्षेप नलाग्ने गरी काम गर्नुपर्नेमा जोड दिए । प्रमुख कुँवरले देशको राजस्व सङ्कलन ३५ प्रतिशतले खस्किएकोले खुला सीमानाकामा हुने अवैध क्रियाकलापलाई रोक्न आदेश दिएका हुन् । अनुगमनको क्रममा उनले पर्सा जिल्लामा हुने अपराध न्यूनीकरण गर्न, लागूऔषध ओसारपसार र अन्य सङ्गठित अपराध नियन्त्रण गर्न सीमानाकाको अनुगमन गरिएको बताए ।
आफ्नो प्रतिक्रिया दिनुहोस
