वीरगन्ज,१६ माघ । सहिद दिवसको अवसरमा नेपाली काँग्रेस र नेविसंघले सोमबार सााझ वीरगन्जमा दिप प्रज्वलन गरि सहिदहरुलाई सम्झदै श्रद्धान्जली अर्पण गरेका छन् ।नेपाली काँग्रेसको वीरगन्ज महानगर समिति र नेविसंघ पर्साले सोमबार साँझ वीरगन्जको माइस्थान स्थित गहवामाई मन्दिर अगाडिको पार्कमा दिप प्रज्वलन कार्यक्रम गरेको हो ।
काँग्रेसका महानगर सभापति मणिन्द्रलाल श्रेष्ठ नेपालीको अध्यक्षता तथा काँग्रेस केन्द्रिय सदस्य एंव पर्सा क्षेत्र नम्बर २ का प्रतिनिधीसभा सदस्य अजय चौरसियाको प्रमुख आतिथ्यतामा भएको दिप प्रज्वलन कार्यक्रममा काँग्रेस नेता वीरेन्द्रलाल नेपाली , जिल्ला उपसभापति रामनारायण कुर्मी , क्षेत्रीय सभापतिहरु अरविन्द गुप्ता र महम्मद शाहबुद्धिन , नेताहरु श्याम पोखरेल , नरेन्द्र साह , ध्रुब नेपाल , विजय सर्राफ , नगर उपसभापति सन्तोष गुप्ता , नेविसंघ पर्साका सभापति रमेश यादव , युवा नेता धिरज गुप्ता ,महिला नेतृहरु डाक्टर सुष्मा तिवारी , मनोजा चौधरी , सन्तोष देवी खतिवडा , मिन्टुदेवी सिंह लगायतको सहभागिता थियो ।
यसअघि सोमबार नै बिहान सहिद दिवसकै अवसरमा वीरगन्जमा नेपाली काँग्रेस पर्सा क्षेत्र नम्बर २ को क्षेत्रीय कार्य समितिले सहिदहरुको शालिकमा माल्यार्पण कार्यक्रम गरि काँग्रेसका पुराना ७ जना नेताहरुलाई सम्मानित गरेको थियो ।
