एमजी (महात्मा गान्धी रोड नामाकरण गर्ने तैयारी भएकोमा वडा १४ का स्थानीयबासीको ध्यानाकर्षण

विरगंज,१५ माघ । वीरगंज महानगरपालिका–१४ चिनीमिल आवासक्षेत्र अगाडीको लिंकरोड़ पिप्रालाई एमजी (महात्मा गान्धी रोड नामाकरण गर्ने तैयारी भएकोमा लिंक रोड पिपरा टोल विकास समिति लगायतका स्थानीयबासीले ध्यानाकर्षण भएको जनाएका छन् । समितिका अध्यक्ष हरि प्रसाद गौतमले आज प्रेस विज्ञप्ति जारी गर्दै महात्मा गान्धी रोड नामकरण गर्ने निर्णयप्रति ध्यानाकर्षण भएको बताउनुभयो । एशियाली विकास बैंकको आर्थिक सहयोगमा निर्माण भएको सो रोडको नामाकारण महात्मा गांधी, (एम.जी.) को नाममा गर्ने निर्णयले पिप्राको ऐतिहासिक महत्वलाई आक्रमण तथा धूमिल्याउने प्रयास गरिएको आफूहरुलाई महसुस भएको बिज्ञप्तीमा उल्लेख छ । वीरगञ्ज महानगरद्वारा नै सो रोडको नाम लिङ रोड पिप्रा नामाङकरण गरिएको गौतमको भनाई छ । वडा र टोलका सरोकारवालासँग कुनै सल्लाह तथा समन्वय र उनीहरुको उपस्थिति बिनाना नै गरिएको यस्तो निर्णयले आफूहरु चकित भएको गौतमले जानकारी दिनुभयो । टोल विकास समितिको यस्तो निर्णयले आफूहरु असहमत रहेको उहाँको तर्क छ । आफ्नो संस्था र वार्डका नागरिकको भावना विपरीत पिप्राको ऐतिहासिक पहिचानको निरन्तरतालाई अवरोध सिर्जना गरिएको उल्लेख छ । नागरिकको मर्म र भावना विपरीत गर्न लगिएको यस्तो कार्य तत्काल रोकी उनीहरुको भावनाको सम्मान गर्न अनुरोध समेत गरिएको छ ।