वीरगंज, २२ पुस । आज शुक्रबार बहुदरमाई ना. पा. वाड न. ४ को तिलावे पुल ( चाइना पुल ) नजिक बन्दै गरेको छठ घाटको सिडी भत्केर एक जनाको मृत्यु भएको छ । भने एकजना गभिर घाइते भएको जिल्ला प्रहरी कार्यालय पर्साले जनाएको छ ।
आज शुक्रवार २२ गते दिउँसो २ः३० बजे बहुदरमाई नगरपालिका वडा नं. ४ तिलावे खोलाको छेउमा रहेको छठ पूजा गर्ने घाटको भर्याङ ढलान गरेको सेन्ट्रिङ खोल्दा ढलान भत्किई दुईजना कामदार च्यापिएका थिए ।
ढलानमा च्यापिदा बहुदरमाई नगरपालिका वडा नं.५ भौराटोल बस्ने वर्ष २१ को राजा मण्डलको मृत्यु भएको छ । भने पटनी सोही वडाका वर्ष ३५ को अमर महतो गम्भीर घाइते भएका छन् ।
अन्य कामदार र स्थानीय प्रहरी चौकी डकैला बहुअरीको प्रहरी टोलीले उपचारको लागि पठाएको थियो । ई.प्र.का. पोखरियाबाट प्र.नि.आयुष जोशीको टोलीले घटनाबारे अनुसन्धान भइरहेको जनाएका छन् ।
आफ्नो प्रतिक्रिया दिनुहोस
