वीरगञ्ज,२० पुष । पर्सा प्रहरीले वीरगञ्जको रानीघाटमा रहेको ३ गोदाममा छापा मारेर भन्सार छलीका १३ लाख मूल्य बराबरको चामल बरामद गरेको छ । देवशरण साह, कृष्ण साह र नेपाली बाबु भनिने सुनिल साहको गोदाममा प्रहरीले छापा मारेको हो ।
गोदामबाट भन्सार छली गरे ल्याईएका ९ सय १९ बोरा चामल बरामद गरेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक दिपक गिरीले जानकारी दिनुभयो । देवशरणको गोदामबाट ३ सय ६५, कृष्णको गोदामबाट १ सय ३६ र सुनिलको गोदामबाट ४ सय २७ बोरा चामल बरामद गरिएको गिरीले बताउनुभयो ।
बासमति चामल, कतरनी र जिरामसिनो र बरामद भएको गिरीको भनाई छ । बरामद गरिएका चामलको मूल्य अन्दाजी मूल्य १३ लाख रुपैयाँ कायम गरेर आवश्यक कारबाहीका लागि वीरगञ्ज भन्सार कार्यालयमा पठाईएको प्रहरीले जनाएको छ । वीरगञ्जको मुख्य सडकमै साइकलमा दुई, तीन बोरा चामल, आलु बोकेर ल्याउने गरेको दृश्य देख्न सकिन्छ ।
