वीरगन्ज ,१८ मंसिर– वीरगन्ज महानगरपालिकाले ग्रिनसिटी सामुदायिक सेवा केन्द्रका अध्यक्ष जय प्रकाश खेतानलाई महानगरको फोहोर व्यवस्थापन तथा अनुगमन, वृक्षारोपण र फुटपाथ व्यवस्थापन संयोजकको जिम्मेवारी दिएको छ ।
महानगरपालिकालाई स्वच्छ, सुन्दर र हरीयाली वातावरण निर्माणको लागि खेतानलाई यो जिम्मेवारी दिइएको हो ।
महानगरका मेयर राजेशमान सिंहले आइतबार खेतानलाई जिम्मेवारी सुम्पदै महानगरले लिएको लक्ष्य प्राप्ती हुनेगरी काम गर्न खेतानसंग आग्रह गरे ।
महानगरलाई हरित शहरको रुपमा रुपान्तरण गर्न नगरका हरेक वार्डमा अहिले बृक्षारोपणको काम अघि बढेको छ ।
नवनियुक्त संयाजक खेतानले वीरगन्ज महानगरलाई हरित शहर बनाउँदै सफा सुन्दर बनाउने अभियानमा सबैको साथ र सहयोग आवश्यक पर्ने बताए ।
आफ्नो प्रतिक्रिया दिनुहोस
