वीरगञ्ज, १४ मंसिर । पर्सामा लैङ्गिक हिंसा विरुद्धको सचेतनामुलक पर्चा एवम् पम्पलेट वितरण गरीएको छ । वीरगंज महानगरपालिका वडा १० आर्दशनगर चौकमा लैङ्गिक हिंसा विरुद्धको १६ दिने अभियान अन्र्तगत पम्पलेट वितरण गरी सचेतना फैलाइएको छ । ग्रिनसिटी सामुदायिक सेवा केन्द्र आदर्शनगर तथा ग्रिनसिटी सामुदायिक प्रहरी सेवा केन्द्र आदर्शनगरको आयोजनामा सचेतनामुलक पर्चा एवम् पम्पलेट वितरण गरिएको हो ।
‘सभ्य समाजको पहिचान, लैंगिक हिंसा विरुद्धको १६ दिने अभियान’ भन्ने नाराका साथ १६ दिने अभियान जारी छ । अभियानकै क्रममा बुधबार सर्वसाधारण एवम् वीरगञ्जका विभिन्न स्थानका नागरिकलाई पर्चा एवम् पम्पलेट वितरण गरिएको ग्रिनसिटी सामुदायिक सेवा केन्द्र आदर्शनगरका अध्यक्ष जयप्रकाश खेतानले जानकारी दिनुभयो ।
प्रहरी चौकी आदर्शनगरका प्रहरी नायब निरीक्षक अशोक महतो, जिल्ला ट्राफिक प्रहरी कार्यालय पर्साका प्रहरी, वीरगञ्ज महानगरपालिकाका नगर प्रहरी, लगायतको सर्वसाधारण उपस्थिती रहेको थियो । कार्यक्रममा २ सय ५० जनालाई विभिन्न किसिमका सचेतनामुलक पर्चा पम्पलेट वितरण गरिएको थियो ।
ग्रिनसिटी सामुायिक प्रहरी सेवा केन्द्रका प्रहरी हवल्दार प्रेम राम, जिल्ला ट्राफिक प्रहरी कार्यालय पर्साका प्रहरी जवान प्रमेदर प्रसाद साह, नगगर प्रहरी बुष्णु बहादुर तिमल्सिना लगायतको सहभागीता रहेको थियो ।
