वीरगन्ज,१३ मंसिर । ब्लड बैंकबाट वीरगन्जबाट पर्साको ठोरी गाउँपालिकाका बिरामीहरुले पनि निशुल्क रगत पाउने भएका छन् ।
मङगलबार नेपाल रेडक्रस सोसाइटी पर्सा शाखा र ठोरी गाँउपालिका बिच वीरगन्जमा भएको सम्झौता अनुसार अब ठोरी गाँउपालिकाका बिरामीले जिल्ला भित्रका अस्पतालमा उपचार गराउदा ब्लड बैंकले निशुल्क रगत उपलब्ध गराउने भएको छ । अर्थात रगतका लागि ब्लड बैंकमा लाग्ने आवश्यक खर्चको शुल्क ठोरी गाउँपालिकाले ब्यहोर्ने भएको छ ।
सम्झौता अनुसार ठोरी गाउँपालिकाका बिरामीले आफ्नो परिचय खुल्ने कागजातहरु नागरिकता, सवारी चालकको अनुमतिपत्र वा मतदाता परिचयपत्र मध्ये कुनै पनि प्रमाण सहित गाँउपालिाकाको सिफारिस पेश गरेमा ब्लड बेंकले निशुल्क रगत उपलब्ध हुने भएको हो ।
गाँउपालिकावासीलाई उपचारमा सहयोग होस् भन्ने उद्देश्यले उक्त सम्पुर्ण खर्च गाउँपालिकाले ब्यहोर्ने गरि रेडक्रससंग सम्झौता गरिएको गाँउपालिका अध्यक्ष लाल बहादुर श्रेष्ठले बताए ।
