बाराःगएराती डाँका समुह र प्रहरी विच दोहोरो गोली हानाहानसँगै झडप भएको छ । मध्यरातमा भएको झडपमा परि प्रहरीका एक वरिष्ठ सहि घाईते भएका छन् । भने घाईते अवस्थामा दुई जना डाँका पक्राउ परेका प्रहरीले जनाएको छ ।
जिल्लाको जितपुरसिमरा उपमहानगरपालिका वडा नं.२३ मा रहेको एरोटेक कारखानामा लुट्न आएको डाँका समुह र प्रहरी विच राती साँडे १२ बजेको समयमा झडप भएको हो । कारखानामा १३, १४ जनाको समुहले गेटमा रहेका कम्पनीका शुरक्षा गार्डलाई कुटपिट गरी डाँकाजनी गरिरहेको खबर प्रहरीले पाएको थियो ।
खबर पाउना साथ वरिष्ठ सहीको कमाण्डमा त्यहाँ पुरगेको प्रहरीमाथी डाँका समुहले गोली प्रहार गरेपछि प्रहरीले जवाफी फायर गरेको थियो । सोही क्रममा थप मद्दमा शुरक्षा टोली पुगेर डाँका समुहका दुईजनालाई मात्र नियन्त्रणमा लिन सफल भएको बाराका प्रहरी प्रमुख प्रहरी उपरिक्षक होविन्द्र बोगट्टीले जानकारी दिनु भयो ।
डाँका समुहले रड प्रहार गर्दा ईलाका प्रहरी कार्यालय जितपुरका बरिष्ठ सही कलम बहादुर शाही घाईते हुनुभएको छ । शाहीको पर्साको विरगजं स्थति विरगजं हेल्थ केयरमा उपचार भैरहेको छ । डाँका समुहको रड प्रहारबाट वरिष्ठ सही शाहीको टाउकोमा गहिरो चोट लागेको छ । उनको अवस्था सामन्य रहेको प्रहरी उपरिक्षक बोगट्टीले जानकारी दिनु भयो ।
यस्तै घाईते अवस्थामा पक्राउ परेका डाँका समुहका दुईजनाको सिमरा स्थीत अल्पाईन अस्पतालमा उपचार भैरहेको छ । झडपका क्रममा डाँका समुहले एक राउण्ड र प्रहरीले तीन राउण्ड गोलि चलाएका छन् । पक्राउ परेका डाँकाका साथबाट प्रहरी एकथान कटुटा पेस्तोल ,सोमा लाग्ने ३ थान गोली र केहीथान घरेलु हतियार बरामद गरेको उपरिक्षक बोगट्टीले जानकारी दिनु भयो ।
पक्राउ परेका डाँकाहरुको विवरण गोप्य राखि घटनाको थप अनुसन्धान भैरहेको वहाँले बताउनु भयो ।थप विवरण २ बजे प्रेस मिटमा जानकारी आउने बारा प्रहरीले बताए ।
