बिरगंज सन्जालको बार्षिकोत्सव समारोह सम्मान तथा सन्जाल राष्ट्रिय दैनिक पत्रिका बिमोचन

बिरगंज , भदौ १४ ।
बिरगंजका सक्रिय युवाहरुको सन्जालद्वारा सन्चालित बिरगंज सन्जाल डटकमको चौथो बार्षिकोत्सव र बिरगंज संजाल साप्ताहिक पत्रिकाको पहिलो बार्षिकोत्सवको उपलक्ष्यमा सम्मान तथा सन्जाल राष्ट्रिय दैनिक पत्रिकाको बिमोचन कार्यक्रम सम्पन्न भएको छ ।
नेपाल पत्रकार महासघ पर्सा शाखाको सभाहलमा आज आयोजित सम्मान तथा बिमोचन कार्यक्रमका अध्यक्षता सन्जालका प्रकाशक कृष्ण कुमार श्रीवास्तव र प्रमुख अतिथी बिरगंज उद्योग वाणिज्य संघका अध्यक्ष डा. सुबोध गुप्ता रहनु भएको थियो ।
सन्जालले आफ्नो बार्षिकोत्सवको अवसर पारेर पत्रिकाका सम्बादाता , बिज्ञापनदाता, सहयोगीदाता, विभिन्न समाचार पठाई पत्रिकालाई सहयोग गर्नु हुने , भोजपुरी कबिता, चित्रहरु बनाई पठाउने सानी विद्यार्थी , लेख- रचना पठाई पत्रिकालाई सहयोग गर्नुहुनेलाई सम्मान समेत गरिएको थियो ।त्यसैगरि सन्जालले आयोजना गरेको ७ दिने पत्रकारिता तालिमका प्रशिक्षक र तालिममा भागलिनेहरुलाई प्रमाणपत्र समेत बितरण गरिएको थियो ।
सो कार्यक्रममा नेपाल पत्रकार महसघ मधेस प्रदेशका महासचिव श्याम बन्जरा , बानका मधेस प्रदेशका पुर्व सन्योजक आरसि यादव , नेपाल पत्रकार महासघ पर्साका अध्यक्ष अनुप तिवारी , वडा प्रहरी कार्यालय बिर्ताका प्रहरी निरीक्षक विशाल मल्ल , श्रीपुर वडा प्रहरी कार्यालयका प्रहरी निरीक्षक डिल्लीराज सापकोटाले पत्रिका पाठकले खोजेको जस्तो खुराक हुनु पर्ने , निस्पक्ष रुपमा सबैलाई समेटेर अगाडि बढाेस भन्दै सुभकामना समेत दिएका थिए ।
स्वागत मन्तव्य रुपेश ठाकुरले गर्नु भएको थियो भने कार्यक्रम सन्चालन रन्जित यादवले गर्नु भएको थियो ।