बीरगंज । वीरगज महानगरपालिकाले आर्थिक बर्ष २०७८र०७९ मा ९७ करोड ४५ लाख ८३ हजार रुपैयाँ राजश्व सङ्कलन गरेको छ ।
गत आर्थिक बर्ष २०७७र०७८ को तुलनामा झण्डै ४५ प्रतिशतभन्दा बढी राजस्व सङ्कलन गर्न महानगरपालिका सफल भएको बीरगंज महानगरपालिकाका प्रमुख प्रशासकीय अधिकृत लक्ष्मी पौडेलले जानकारी दिनुभयो ।
महानगरपालिकाले आर्थिक बर्ष २०७७र०८७ को अवधिमा महानगरपालिकाले ६६ करोड ८८ लाख ९४ हजार रुपैयाँ राजश्व सङ्कलन गरेको थियो भने आर्थिक वर्ष २०७८र०७९मा कार्यालयले ९७ करोड ४५ लाख ८३ हजार रुपैयाँ राजश्व सङ्कलन गर्न सफल भएको प्रमुख प्रशासकीय अधिकृत पौडेलले बताउनुभयो ।
महानगरपालिकाले आर्थिक बर्ष २०७८र०७९ मा घर जग्गा रजिष्टेशन दस्तुर बापत ४६ करोड २३ लाख ५९ हजार रुपैयाँ सङ्कलन गरेको छ भने सम्पत्ति कर तर्फ १७ करोड ८ लाख ३९ हजार रुपैयाँ राजश्व सङ्कलन गर्न सफल भएको वीरगन्ज महानगरपालिकाको राजश्व प्रशासन महाशाखाका प्रमुख राजकृष्ण ताम्राकारले जानकारी दिनुभयो ।
