मोटरसाईकाल फेला पारी सवारी धनीलाई जिम्मा लगाइयो

हराएको मोटरसाईकाल फेला पारी सवारी धनीलाई जिम्मा लगाइएको छ । २०७९ असार २० गते बेलुका ३ बजेको समयमा बाराको निजगढबाट लु ८३ प ९३५५ नम्बरको मोटरसाइकल फेला पारी सवारी धनीलाई जिम्मा लगाइएको हो । निजगढ नगरपालिका ८ सिभिल लघुबित्त अगाडी बाट हराएको २२० सिसिको रातो कालो पल्सर मोटरसाइकल भनी मोटरसाइकल धनीले जिल्ला प्रहरी कार्यलय बारामा मौखिक जानकारी गराएका थिए । सो को अधारमा कार्यालयका प्रमुख प्र.नि. संजिव ओलीको कमाण्डमा टोली खटि गई हाईवेमा जडान रहेको सिसि टि.भि. फुटेजहरुको आधारमा उक्त मोटरसाइकल फेला पर्न सफल भएको जिल्ल प्रहरी कार्यलय बाराले जनाए । मोटरसाइकल जिल्ला बारा कोल्हवी नगरपालिका वडा नं. ५ ककडी गाँउ नजिकै सडकमा प्रहरीको गाडी देखी उक्त मोटरसाइकल छाडी फरार भएको जिल्ला प्रहरी कार्यलय बाराका प्रवाक्त एवम डिएसपी राजेश थापाले जानकारी दिए । जिल्ला मकवानपुर बकैया गाँउपालिका वडा नं. ३ हात्तिसुडे बस्ने सन्चलाल घलानलाई मंगलबार मोटरसाइकल बुझाईएको उनले बताए । चोरी गर्ने मानिसहरुलाई पत्ता लगाई पक्राउ गर्ने लगायतको कार्य जारी रहेको डएसपी थापाले जानकारी दिनुभयो ।