पर्सा । पर्सा जिल्लाको बीरगञ्ज महानगरपालिका–१६, नगवा पानी ट्याङ्कीस्थित एक घरको सटरमा भन्सार छली गरेर ल्याइएका सामानहरू लुकाइराखिएको विशेष सूचनाका आधारमा, नेपाली सेनाको नं। १३ गण पर्साले आज बिहान विशेष अपरेशन सञ्चालन गरेको छ।
प्र।सी।सु। गुल्म बीरगञ्जका स।प्र।ना।उ। पुरुषोत्तम भण्डारीको नेतृत्वमा खटिएको ९ जनाको सेनाको टोलीमा बीरगञ्ज भन्सार कार्यालयका ना।सु। सुवर्ण पौडेलसहित २ जनाको सहकार्य रहेको थियो।
टोलीले बालकुमार राउत कुर्मीको घरस्थित सटरमा छापा मार्दा भन्सार प्रक्रिया नपु¥याइ चोरी पैठारी गरिएका करिब रु। ५० लाख बराबरका कपडा र किराना सामग्री फेला पारेको हो।
बरामद गरिएका सम्पूर्ण सामानहरूलाई कानुनी प्रक्रिया पुरा गरी बीरगञ्ज भन्सार कार्यालयमा बुझाउने तयारी भइरहेको सुरक्षा स्रोतले जानकारी दिएको छ।
यो कारबाहीपछि सीमावर्ती क्षेत्रमा भन्सार छल्ने गतिविधिमा अंकुश लाग्ने विश्वास लिइएको छ। साथै, व्यापारीहरूलाई कानुनी मार्गमार्फत व्यापार गर्न प्रेरणा मिल्ने अपेक्षा गरिएको छ।
