भैरहवा— भैरहवा भन्सार कार्यालयबाट बाहिरिने क्रममा नून बोकेको भारतीय ट्रकमा आइतबार आगलागी भएको छ।
यूपी ५२ एफ ६४५७ नम्बरको उक्त ट्रकको क्याबिनमा अचानक आगलागी भएको हो। आगलागीको कारण खुल्न नसके पनि अत्यधिक गर्मीका कारण इन्जिन तातिएर आगो लागेको प्रारम्भिक अनुमान प्रहरीले गरेको छ।
घटनास्थलमा केहीबेरमै दमकल पुगेपछि आगो नियन्त्रणमा लिइएको थियो। आगलागीबाट क्याबिनमा सामान्य क्षति भए पनि ठूलो मानवीय वा भौतिक क्षति नभएको बताइएको छ।
यस घटनाबारे थप अनुसन्धान भइरहेको जिल्ला प्रहरी कार्यालय रुपन्देहीले जनाएको छ।
आफ्नो प्रतिक्रिया दिनुहोस
