बीरगञ्ज, गहवा –
३ नं. रोडमा नाला तथा सडक निर्माणको नाममा ४५ दिनदेखि सडक पूर्णरूपमा अवरुद्ध छ। तर, निर्माणको गति सुस्त, व्यवस्थापन शून्य र जनताको पीडा चरम सीमामा पुगेको छ। बिना वैकल्पिक व्यवस्था सडक बन्द गरेर सर्वसाधारणलाई दुख दिइएको यो अवस्था उपेक्षा र लापरवाहीको ज्वलन्त प्रमाण हो।
बटुवालाई हिँड्नै नसक्ने अवस्था
सडकको दुर्दशा यति भयावह छ कि पैदल हिँड्नेसमेत ठाउँ छैन। स्थानीय बासिन्दा, विद्यार्थी, बिरामी, महिला तथा जेष्ठ नागरिक बिचल्लीमा परेका छन्। दैनिक जाम, धूलो र हिलोका बीचमा मानिसहरू दुस्खको यात्रा गर्न बाध्य छन्।
निर्माणको नाममा लापरवाही
४५ दिनसम्म काम सुरु भएको देखिन्छ तर न त काम पूरा भएको छ, न त जनतालाई वैकल्पिक व्यवस्था दिइएको छ। सम्बन्धित निकायले जनतालाई दुस्ख दिँदै, जिम्मेवारीबाट पन्छिएको देखिन्छ।
जनताको प्रश्न ! सडक कहिले खुल्छ ?
स्थानीय नागरिकहरू आक्रोशित छन्। उनीहरू भन्छन्स्
नाला निर्माण हुन्छ भनेर खुसी थियौं, तर अब त यो निर्माण हैन, सास्ती बनिसक्यो !
सम्बन्धित निकाय, अब त आँखा खोल
गहवा ३ नं. रोडको यो अवस्थाले स्थानीय प्रशासन, महानगरपालिका र ठेकेदार कम्पनीको चरम लापरवाही देखाएको छ। अब मौन बस्ने होइन, जनताले प्रश्न गरिरहेका छन् —
“सडक कहिले खुल्छ ? जवाफ देऊ!”
