बिरगंज, पर्सा।
भारतको आन्द्राप्रदेशबाट अलौ नाकामार्फत विषाक्त र मरेका माछा नेपाल भित्रिएको भयानक खुलासा भएको छ। सशस्त्र प्रहरी र नेपाल प्रहरीको मिलेमतोमा ती माछा खुलेआम बिरगंज लगायतका सहरहरूमा बिक्री वितरण भइरहेको छ।
स्थानीय स्रोतहरूका अनुसार, तस्करहरूले मरेका माछामा रङ र गन्ध हटाउने विषाक्त रसायन प्रयोग गरी ताजा देखिने बनाइरहेका छन्। यस्तो माछा सर्वसाधारणको थालमा पुग्दा गम्भीर स्वास्थ्य जोखिम उत्पन्न भइरहेको छ ।
चिकित्सकको चेतावनीस्
“मरेका माछामा बोटुलिज्म, साल्मोनेला जस्ता विषाणु सक्रिय हुन सक्छन्। यस्तो माछा खाँदा फुड प्वाइजनिङ, लिभर ड्यामेज, पाचन समस्या र दीर्घकालीन रूपमा क्यान्सर को खतरा समेत हुन्छ।”
क्वारेन्टाइन कार्यालय मौन, तस्करहरू निर्भीक
पर्सा क्वारेन्टाइन कार्यालयको पूर्ण उदासीनता र गैर(जिम्मेवार रवैयाले जनस्वास्थ्य जोखिममा परेको नागरिक समाजको आरोप छ। माछा मात्र होइन, भारतबाट कुखुराको चल्ला समेत अवैध रूपमा भित्रिरहेको छ, जसमा न परीक्षण हुन्छ, न कानुनी प्रक्रिया पालना।
स्वास्थ्य मात्र होइन, व्यवसाय पनि संकटमा
बिरगंजका एक स्थानीय माछा व्यवसायी भन्छन्स्
“हामीले गुणस्तरीय माछा उत्पादन गर्दा लागत बढ्छ। तर सस्तो विषाक्त माछा खुलेआम बजारमा पाइँदा हाम्रो व्यवसाय धरासायी बन्दै गएको छ।”
सार्वजनिक चासोको मुद्दा
अब प्रश्न उठ्छ— कसले नियन्त्रण गर्नेरु प्रहरी र सरोकारवाला निकायहरूको संलग्नतामा भइरहेको यस्तो आपराधिक कारोबारले सर्वसाधारणको जीवन, स्वास्थ्य, र अर्थतन्त्र तीनैवटा तहमा आघात पुर्याइरहेको छ।
