वीरगन्ज,१९चैतः– चेक बाउन्सिङ मुद्दामा फरार रहेका एक युवकलाई पर्सा प्रहरीले पक्राउ गरेको छ । पर्सा प्रहरीले पक्राउ गरेका फरार प्रतिवाति पर्साको धोबिनी गाँउपालिका वडा नम्बर ३ हरिहरपुरका ३० बर्षिय सुजित राउत कुर्मी रहेका छन् ।
कुर्मीलाई गत शनिबार धोबिनी गाँउपालिका वडा नम्बर ३ मै पर्ने लंगडीबाट बैंकिङ कसुर मु्द्धाका फरार रहेकोले पक्राउ गरिएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक कुमार विक्रम थापाले जानकारी दिए। थापाका अनुसार, चेक बाउन्सिङ प्रकरणमा पर्सा जिल्ला अदालतबाट तीन दिनको कैद सजाय र नगद २५ लाख रुपैयाँ जरिवानको फैसला गरिएका कुर्मी फरार रहदै आएका थिए ।
अदालतको फैसलापछि फरार रही लुकिछिपी बस्दै आएका कुर्मीलाई गत शनिबार त्रफाउ गरि शनिबार नै पर्सा जिल्ला अदालतमा उपस्थित गराइएको थापाले बताए । हाल उनलाई जिल्ला प्रहरी कार्यालयको हिरासतमा राखिएको जानकारीपनि उनले दिए ।
