७५ औं मानव अधिकार दिवसको सन्दर्भमा राष्ट्रिय मानवअधिकार तथा भृष्टचार नियन्त्रण नेपाल पर्साले वीरगन्जमा आइतवार दिप प्रज्वलन कार्यक्रम सम्पन्न गरेको छ । संगठनका पर्साका कोषाध्यक्ष संगीता पटेलले दिएको जानकारी अनुसार संगठनले मानव अधिकार संस्कृतिको बिकाश र देशमा कानूनी शासन र मानव अधिकारको प्रत्याभुतिको कामना गर्दै दिप प्रज्वलन गरेको हो ।
आदर्शनगरबाट निस्केको मैनबत्ती जुलुस घण्टाघरमा पुगेर कोणसभामा परिणत भएको थियो । कोणसभालाई सम्बोधन गदैं कार्यक्रमका प्रमुख अतिथि नेपाल पत्रकार महासंघका केन्द्रिय सचिव दीपेन्द्र चौहानले मानिस संसारको जुनसुकै स्थानमा जन्मेपनि मौलिक अधिकारको रुपमा मानव अधिकार लिएरै जन्मिएका हुन्छन्। तर पछिल्लो समयमा नेपाल लगायत विश्वभर मानव अधिकारको अवस्था खस्किंदै गएको बताउनु भयो। केन्द्रिय सचिव चौहानले नेपालको मानव अधिकारको अवस्था खस्किँदै जानुमा सत्य निरुपण तथा मेल मिलाप आयोगको निरीहता रहेको बताए ।
कुशल÷ स्वच्छ बनौ मानव अधिकारका लागी उठौ, शान्ति सामाजिक सद्भाव र राजनितिक स्थिरता लागी ७५ औ अन्तर्राष्ट्रिय मानव अधिकार दिवस भन्ने नाराका साथ गरिएको दिप प्रज्वलन कार्यक्रमका वक्ताहरुले अहिले पनि आम नागरिकले पुर्ण रुपमा मानव अधिकारको उपभोग गर्न नपाएकोले सबैको मानव अधिकार संरक्षण हुनु पर्नेमा जोड दिइएको थियो ।
राष्ट्रिय मानवअधिकार तथा भृष्टचार नियन्त्रण नेपाल संगठनका अध्यक्ष सुनिल चौधरीको सभापतित्वमा भएको कार्यक्रममा उपाध्यक्ष सरोज पटेल लगायतले मन्तव्य प्रकट गर्नु भएको थियो । कार्यक्रमामा संगठनका सल्लाहकार राजेश जैन, बोथरा अग्रवाल, सुनिल महतो, विशाल झा, रंजीत चौधरी लगायतको उपस्थिति रहेको थियो ।
