वीरगञ्ज । वीरगञ्ज महानगर पालिकाका नगर प्रमुख राजेश मान सिंह ट्रान्सर्फमर जडान गर्दा अवरोध भैरहेको ४ स्थान मा आफै पुगी अवरोध हटाएर ट्रान्सर्फमर जडान गराउनु भएको छ ।
वीरगञ्ज बढ्दो प्रचण्ड गर्मी समयमा बिजुली को लाइन ट्रीप भएरदिनहुँ सयौं पटक कटेपछी नगर प्रमुख सिंहले अगुवाइ गर्न सुरु गर्नु भएको छ । केही महिना अघि विद्युत प्राधिको कार्यकारी निर्देशक कुलमान घिसिङ सित भेट गरि २० वटा ट्रान्सर्फमर बीरगन्जमा जडान गराउन निर्णय गराउनु भएको थियो ।
अहिले सोही ट्रान्सर्फमर जडान मा स्थानीय बासीन्दाले असहयोग गरेपछि मेयर सिंह आफै अवरोध भएको स्थान मा बिहीबार पुगी अवरोध हटाउनु भएको छ । बीरगन्ज वडा न ११ रानीघाट पुल वारि , वडा न २४ रामगढवा बस पार्क , वडा न १० अशोक वाटिका र वडा न ४ गणेशमान चौक पुगी ट्रान्सर्फमर जडान गर्ने स्थान को पहिचान गरि जडान सुरु गराउनु भएको छ ।
विद्युत प्राधिकरण बीरगन्ज वितरण केन्द्र का प्रमुख अवधेश कुमार दुवे, नगर प्रमुखको प्राविधिक सल्लाहकार प्रकाश अमात्य र प्रेस सल्लाहकार महेश दास सहित ठेक्का पाएको कम्पनीको प्रतिनिधि र स्थानीय जनप्रतिनिधि सहभागी थिए ।
