वीरगञ्ज । पर्साको पोखरिया नगरपालीकामा दुई घरमा आगलागी भएको छ ।
शुक्रबार राति करिब १० : ३० बजेको समयमा पोखरिया नगरपालिका वडा नम्बर ९ बैरिया विर्तास्थित देवलाल मुखिया विन र धर्मराज यादवको घरमा आगलागी भएको हो । आगलागीबाट घर भित्र रहेको नगद, लत्ताकपडा, गरगहना, अन्नपात सहित सम्पूर्ण सामानहरू जलेर पुर्ण रुपले नष्ट भएको छ ।
राति १० : ३० बजे लागेको आगलागीकाबाट करीब ५ लाख रुपैयाँ बराबरको धनमाल जलेर नष्ट भएको ईलाका प्रहरी कार्यालय पोखरीयाका प्रहरी निरीक्षक मोहन बिक्रम केसीले जानकारी दिए ।
आगलागीको कारण यकिन नभएको प्रहरीले जनाएको छ । वीरगन्ज र पोखरियाको बरुण यन्त्रले सहायताले नेपाल प्रहरी, सशस्त्र प्रहरी र स्थानीयको प्रयासपछि आगलागी पुर्ण रुपमा नियन्त्रणमा लिएको थियो।
आफ्नो प्रतिक्रिया दिनुहोस
