वीरगञ्ज । बारा जिल्लाको कलैयाबाट काठमाडौँ तर्फ जाँदै गएको बस दुर्घटना हुँदा कम्तिमा पनि ३१ जना घाइते भएका छन् ।
आफैँ अनियन्त्रित भएर पूर्वपश्चिम राजमार्गको पर्सा बजारमा बस दुर्घटना हुँदा ३१ जना घाइते भएका हुन् ।
प्रहरीका अनुसार कलैयाबाट काठमाडौँतर्फ जाँदै गरेको बागमती प्रदेश ०३–००१ ख २५६१ नम्बरको बस आफैँ अनियन्त्रित भई गएराती दुर्घटना भएको थियो ।
खैरहनी नगरपालिका–८ पर्सा बजारमा बस दुर्घटना भएको इलाका प्रहरी कार्यालय खैरहनीले जनाएको छ । बस अनियन्त्रित भई सडक छेउमा पल्टिएको हो ।
दुर्घटनामा घाइते सबैको पुरानो मेडिकल कलेजमा उपचार भइरहेको प्रहरीले जनाएको छ । घाइतेमध्ये एक जनाको अवस्था गम्भीर रहेको र १४ जना मध्यम घाइते भएको प्रहरीले जनाएको छ ।
प्रहरीका अनुसार अन्य १६ जनाको अवस्था सामान्य रहेको छ ।
आफ्नो प्रतिक्रिया दिनुहोस
