वीरगञ्ज । लायन्स क्लबले वीरगञ्जस्थित कारागार भित्र रहेका महिला कैदीबन्दीलाई स्यानेटरी प्याड वितरण गरेको छ ।
शुक्रबार कारागारमा स्वास्थ्य सम्बन्धि चेतना कार्यक्रमको आयोजना गर्दै ६६ महिला कैदबन्दिलाई १२० प्याकेट सेनेटरी प्याड वितरण गरेको हो । प्याड उनीहरुले दुई महिनासम्म प्रयोग गर्न सक्छन् ।
लायन्स क्लब वाल्कीङ टिम (एनएलएफ) का प्रविन दयालको अध्यक्षतामा आयोजित कार्यक्रममा कारागार भित्रका महिला कैदलाई स्वस्थ रहन अपनाउनु पर्ने विभिन्न बानीको बारेमा सिकाइएको थियो ।
कार्यक्रममा लायन्स क्लब २०२३/२४ का डिजी देवकीनन्दन अग्रवाल, वीरगञ्ज कारागारका निमित्त जेलर नवराज बर्तौला, कारागारका सशस्त्र प्रहरी बलका प्रहरी नायव उपरीक्षक लक्ष्मण बराल, कारागार स्वास्थ्यकर्मी दिपक यादव, लायन्स क्लबका आकाश सर्राफ, क्लबका क्याबिनेट सचिव बासुदेव तिमलसिना, कोषाध्यक्ष आर.वी. पाण्डे, प्रो.इन. चिफ आकाश सरार्फ, एरिया चिफ उमेश शर्मालगायतको उपस्थिति रहेको थियो ।
