वीरगञ्ज । वीरगञ्जमा टिपरको ठक्करबाट दुईजना गम्भीर रुपले घाइते भएका छन् ।
सोमबार बिहान भएको दुर्घटनामा वीरगञ्ज महानगरपालिका वडा नम्बर ३० लालपर्सा निवासी ३५ वर्षीय गीतादेवी मली र १८ वर्षीय मिथुन मली रहेका छन् ।
गीतादेवी र मिथुन सवार ना २४ प ४१५३ नम्बरको मोटरसाइकललाई वीरगञ्ज-३० लालपर्सा चोकमै पछाडिबाट मधेश प्रदेश ०३ ००१ ख ७६७९ नम्बरको बालुवा लोड टिपरको ठक्कर दिँदा दुर्घटना भएको प्रहरीले जनाएको छ । दुर्घटनामा परेर दुवैजना गम्भीर रुपले घाइते भएका छन् ।
घाइते दुवैजनालाई उपचारको लागि नारायणी अस्पतालमा पठाइएको छ । टिपर र चालकलाई प्रहरीले नियन्त्रणमा लिएर अनुसन्धान अगाडि बढाएको छ ।
आफ्नो प्रतिक्रिया दिनुहोस
