वीरगंज,२२ बैशाख । पकाहामैनपुर गाँउपालिकाको कार्यालयले किता नम्बर ६१ मा गर्न लागेको सडकको निर्माण कार्य स्थागित गर्न जिल्ला अदालत पर्साले आदेश दिएको छ ।
पालिकाको वडा नम्बर ५ सवैठवामा नियम बिपरित सडक निर्माण गरिरहेको बिरुद्धमा स्थानिय जग्गाधनी सत्यनारायण सहनी र पानालाल सहनीले पालिका प्रमुख सहित चार जना बिरुद्ध बैशाख १४ गते अदालतमा मुद्दा दायर गरेका थिए ।
बैशाख २१ गते सो मुद्दाको फैसला सुनाउदै अदालतले किता नम्बर ६१ हाल ५५ को जग्गामा कानुन बमोजिम बाहेक सडक निर्माणको कार्य नगर्नु नगराउनु बिपक्षीको नाममा अन्तरकालिन आदेश जारी गरेको छ ।
पिडित सहनीद्ववले पालिका प्रमुख सुरेश प्रसाद मेहता, उपप्रमुख सरफुन नेशा,अमिन धुपलाल प्रसाद यादव र प्रमुख प्रशासकिय अधिकृतलाई बिपक्षी बनाई मुद्दा दायर गरेका थिए ।
आफ्नो प्रतिक्रिया दिनुहोस
