वीरगञ्ज । पर्साको सब डिभिजन वन कार्यलय रङ्गपुरले साइकलसहित सालको काठ बरामद गरेको छ । सब डिभिजन वन कार्यलय रङ्गपुरबाट खटिएको गस्ती टोलीले पटेर्वासुगौली गाउँपालिका वडा नम्बर २ नजिकैको वनबाट चोरी निकासी गरी साइकलमा ल्याउँदै गरेको अवस्थामा चार वटा सालको काठ बरामद गरेको हो ।
गोलाई १५ क्युबिक फिट भएको काठ बरामद गरिएको हो । त्यस्तै पटेर्वा सुगौली गाउँपालिका वडा नम्बर २ को अकुवनीया टोलको जङ्गलबाट आईतबार राती १ः०० बजे क्रममा चार वटा साईकलमा लोड गरिएको अवस्थामा गस्ती टोलीले चार वटा सालको काठ बरामद गरेको छ ।
गोलाई २५ क्यु फिट भएको काठ बरामद गरेको गस्ति टोलीले जनाएको छ । बरामद गरिएका आठ वटै काठ र चार वटा साईकल सब डिभिजन कार्यलय रङ्गपुरमा ल्याएको सब डिभिजन अधिकृत कपिल देव यादवले जानकारी दिए ।
आफ्नो प्रतिक्रिया दिनुहोस
