दैलेख । नेपालगन्जबाट ग्यास सिलिन्डर बोकेर दैलेख जाँदै गरेको ट्रक दुर्घटना हुँदा तीन जनाको मृत्यु भएको छ ।
दैलेखको गुराँस गाउँपालिका – ४ तालपोखरीस्थित सुर्खेत दैलेख सडक खण्डमा भे १ क २२०१ नम्वरको ट्रक दुर्घटना भएको प्रहरीले जानकारी दिएको छ ।
सडकको माथिल्लो मोडबाट करिब १५० मिटर तल तल्लो मोडमा ट्रक खस्दा चालकसहित तीन जनाको मृत्यु भएको हो ।
ट्रक चालक अन्दाजी ३०-३१ वर्षीय कृष्ण चौधरी, २५-२६ वर्षका लक्षिराम चौधरी र २२-२३ वर्षका विष्णु चौधरीको मृत्यु भएको दैलेख प्रहरीले जानकारी दिएको छ ।
प्रहरीका अनुसार सहचालक प्रकाश कुमाई भने सकुशल छन् ।
आफ्नो प्रतिक्रिया दिनुहोस
