वीरगंज,०९ फागुन । वीरगंज भन्सार कार्यालयले चालू आवको ६ महीनामा ७६ अर्ब ५४ करोड ८८ लाख २८ हजार राजस्व सङ्कलन गरेको छ ।
चालू आवमा भन्सारको वार्षिक राजस्व सङ्कलन लक्ष्य एक खर्ब २२ अर्ब ७७ करोड १८ लाख ५५ हजार रहेको र चालू आवको ६ महीनामा ७६ अर्ब ५४ करोड ८८ लाख २८ हजार राजस्व सङ्कलन गरेको सूचना अधिकारी भन्सार अधिकृत रामचन्द्र शर्मा ढकालले बताए । उनले चालू आवको छ महीनामा सङ्कलित राजस्व लक्ष्यको ६२.४ प्रतिशत रहेको बताए । गत आव २०७८/७९ मा एक खर्ब २२ करोड १५ लाख ३७ हजार राजस्व सङ्कलन गर्नुपर्ने लक्ष्य रहेकोमा एक खर्ब ५ अर्ब ९० करोड ८३ लाख ३५ हजार राजस्व सङ्कलन भएको उनले बताए । गत वर्ष लक्ष्यभन्दा ५.७ प्रतिशत राजस्व बढी सङ्कलन भएको सूचना अधिकारी ढकालले बताए ।
आफ्नो प्रतिक्रिया दिनुहोस
