जोतीलाल पंडित/ वीरगञ्ज । वीरगञ्जको माईस्थान चौकमा नारायणी स्पोर्टस सञ्चालनमा आएको छ । खेलाडी र खेलकुद प्रेमीहरुका लागि लक्षित गरेर नारायणी स्पोर्टस संचालनमा ल्याइएको हो । नारायणी स्पोर्टसमा हरेक प्रकारका खेलकुद सामाग्री उपलब्ध रहेको सञ्चालक बबिता शाक्यले जानकारी दिनुभयो ।
फुटबल, क्रिकेट, व्याटमिन्टन खेलका सबै सामाग्री, स्पोटर्स वेयर , स्पोर्ट्स शुज , खेल पोसाक, लगायत सम्पूर्ण सामाग्री नारायणी स्पोर्टसमा उपलब्ध हुने शाक्यले बताइन् ।
शनिबार एक कार्यक्रमका बिच वीरगञ्ज महानगरपालिकाका नगर प्रमुख राजेशमान सिंहले रीबन काटेर पसलको उदघाटन गनुभएको हो । उद्घाटन गर्दै नगर प्रमुख सिंहले वीरगञ्जमा नयाँ व्यवसाय खुल्नु खुसिको कुरा भएको बताउदै व्यवसायिक सफलताको शुभकामना दिएका थिए।
करिब १० लाखको लगानीमा सञ्चालनमा ल्याइएको उक्त पसलमा ग्राहकले चाहेजस्तो सामाग्री सहज रुपले उपलब्ध होस भन्ने उदेश्यले खोलिएको सञ्चालक शाक्यले बताइन् ।
नारायणी स्पोर्टस वीरगञ्जको माईस्थान मन्दिर अगाडि दक्षिण पट्टि एक तले भवन माथि रहेको छ ।
