वीरगञ्ज । पर्सा प्रहरीले खोलाबाट अवैध रूपले बालुवा उत्खनन गरी चोरी निकासी गरिरहेको अवस्थामा बिहीबार पाँच वटा ट्याक्टरलाई नियन्त्रणमा लिएको छ ।
जिल्लाको पर्सागढी नगरपालिका – ३ स्थित भेडाहा खोलाबाट अवैध बालुवा उत्खनन गरिहरेको पाँच वटा ट्याक्टरलाई प्रहरीले नियन्त्रणमा लिएको हो ।
विशेष सूचनाको आधारमा इलाका प्रहरी कार्यालय पटेर्वा सुगौलीका प्रहरी निरीक्षक (इन्स्पेक्टर) रामराजा केशरीको नेतृत्वमा खटिएको प्रहरी टोलीले बिहीबार विहान ७ बजेको करिबमा ना ७ त ४२०५, ना ७ त ७०३, ना ६ त ७६५५, ना ७ त १२९६ र ना ७ त १२९६ नम्बरको पाँच वटा ट्याक्टर नियन्त्रणमा लिएको छ ।
इन्स्पेक्टर केशरीका अनुसार नियन्त्रणमा रहेका ट्याक्टरहरूलाई प्रहरी चौकी मिलन चोकमा राखेर थप अनुसन्धान अगाडि बढाइएको छ ।
आफ्नो प्रतिक्रिया दिनुहोस
