वीरगञ्ज । जिल्ला प्रहरी कार्यालय पर्साले भन्सार छलीका सामानहरु नियण्त्रमा लिएको छ । प्रहरीले वीरगञ्ज महानगरपालिका वडा नम्बर १४ गण्डक चोकस्थित सडकखण्डबाट ना.२ ख ९३५७ नम्बरको मालवाहक ट्रक नियन्त्रणमा लिएको जनाएको छ ।
बिल विजक भन्दा बढी औषधी तथा खुद्रा सामानहरू बोकेको ट्रक वीरगञ्जबाट चितवनतर्फ जाँदै गरेको सूचनाको आधारमा प्रहरीले जाँच गरेको थियो ।
सोही क्रममा ट्रकमा लोड रहेको सामानको विल बिजक संकास्पद देखिएको नियन्त्रणमा लिइएको पर्साका प्रहरी प्रवक्ता डिएसपी कुमारबिक्रम थापाले बताए ।
बरामद सामग्रीको मूल्यांकन ४५ लाख ९६ हजार १०४ रुपैँया कायम गरि थप अनुसन्धानका लागि राजश्व अनुसन्धान कार्यालय पथलैया बारामा बुझाइएको प्रहरीले जनाएको छ ।
आफ्नो प्रतिक्रिया दिनुहोस
