वीरगञ्ज । जिल्ला प्रहरी कार्यालय पर्साले करिब तीन लाख मूल्य बराबरको भन्सार छलीका सामान बरामद गरेको छ ।
वीरगञ्ज महानगरपालिका वडा नम्बर १६ बाट प्रहरीले २ लाख ८९ हजार ४९० रुपैँया बराबरको सामान बरामद गरेको हो ।
प्रहरीले मोबाइल कभर, चिनी, मैदा, टवेल, टेण्ट कपडा, जुत्ता, ट्रामाडोल औषधी, मोटर, स्वीटर, लक्स साबुन, राजनिवास गरि १२ प्रकारका सामग्री नियन्त्रणमा लिएको जनाएको छ ।
भन्सार छली चोरी पैठारी गरी ल्याउदैँ गरेको अवस्थामा सामान बरामद भएको पर्सा प्रहरीका प्रवक्ता डिएसपी कुमारबिक्रम थापाले जनाए ।
बरामद सामानलाई आवश्यक कारवाहीका लागि वीरगञ्ज भन्सार कार्यालयमा बुझाइएको प्रहरीले जनाएको छ ।
आफ्नो प्रतिक्रिया दिनुहोस
