वीरगञ्ज । छठ पर्ब मनाउन वीरगञ्ज कारागारका महिला कैदीबन्दीहरुलाई साडी र गँहुकाे पिठाे वितरण गरिएको छ ।
वीरगञ्जको ओैद्योगिक घराना रुङ्गटा वेयल फेयर साेसाइटीले साेमबार कारागारका ७२ जना महिला कैदीबन्दीलाई जनही एक एक थान साडी र दुई दुई किलाेग्राम पिठाे वितरण गरेकाे हाे । साेसाइटीका अध्यक्ष सुरेश रुङ्गटाले कारागारमै पुगेर महिला कैदीबन्दीलाई साडी र पिठाे प्रदान गरे ।
त्यस अवसरमा पर्साका प्रहरी नायब उपरीक्षक कुमार विक्रम थापा,ग्रिनसिटी सामुदायिक सेवा केन्द्र आदर्शनगरका अध्यक्ष जयप्रकाश खेतान, वीरगञ्ज युवा समाजका संस्थापक अध्यक्ष कमल चाैगाई,युवा अभिन्ता दिलिपराज कार्की, ट्राफिक प्रहरी निरीक्षक भाष्करराज खतिवडा लगायतकोपनि उपस्थिति थियाे ।
रुङ्गटा वेयल फेयर साेसाइटीले हरेक वर्ष छठ पर्वमा कारागारका महिला कैदीबन्दीलाई साडी र पिठाे वितरण गर्दै आएकाे छ ।
आफ्नो प्रतिक्रिया दिनुहोस
