वीरगञ्ज । कामना सेवा विकास बैङ्कले आफ्नो १७ वार्षिकोत्सवको अवसरमा आयोजना गरेको रक्तदान सम्पन्न भएको छ ।
वीरगञ्जको गहवामाई मन्दिर अगाडि रहेको पार्कमा सोमबार आयोजित कार्यक्रममा दुई महिलासहित २३ जनाले रक्तदान गरेका छन् ।
बैङ्कको मधेस प्रदेशका क्षेत्रीय सपोर्ट प्रमोद गुप्ताले समाजका लागि केही गर्ने मनसायका साथ बैङ्कले वार्षिकोत्सवको अवसरमा रक्तदान गरेको बताए ।
विकास बैठाको सभापतित्वमा भएको कार्यक्रममा वीरगञ्ज उद्योग वाणिज्य सङ्घका उपाध्यक्ष माधव राजपाल प्रमुख अतिथि रहेका थिए । त्यस्तै कार्यक्रममा नेपाल बुद्धिजीवी परिषद् मधेस प्रदेशका अध्यक्ष शम्भु गुप्ता, वीरगञ्ज युवा समाजका संस्थापक अध्यक्ष कमल चौलागाईं लगायतको उपस्थिति रहेको थियो ।
उपस्थित अतिथिहरूले रक्तदाताहरूलाई रगत दान गरेको सम्मान बापत प्रशंसा पत्र प्रदान गरेका थिए ।
आफ्नो प्रतिक्रिया दिनुहोस
