वीरगञ्ज । वीरगञ्जबाट भन्सार छली ल्याइएको ५१ लाख भन्दा बढीको कम्प्युटर, ल्यापटप तथा कम्प्युटरका पार्टस प्रहरीले बरामद गरेको छ।
प्रहरीले वीरगञ्ज महानगरपालिका–५ स्थित एडए कम्प्युटर सप्लायर्सका सञ्चालक अजय सिंहको घरमा खानतलासी गरेको थियो।
सो क्रममा भारतबाट भन्सार छली प्रज्ञापनपत्र बिल बिनाका ५१ लाख २६ हजार ७ सय बराबरको कम्प्युटर, ल्यापटप तथा कम्प्युटरका पार्टस बरामद गरेको थियो। सिंहको घरबाट डेल कम्पनीका ७० थान कम्प्युटर, सिपियु बिनको ३२ थान सिस्टम, सिपियु सेट ७६ थान, डेल कम्पनीको ल्यापटप ८ थान तथा कम्प्युटरका सामान बरामद गरिएको पर्साका प्रहरी प्रवक्ता डिएसपी कुमार विक्रम थापाले जानकारी दिए ।
बरामद सामानलाई आवश्यक कारबाहीका लागि राजश्व अनुसन्धान कार्यालय पथलैया बारामा बुझाइएको थापाले बताए।
आफ्नो प्रतिक्रिया दिनुहोस
